Martiodako Faunaren Suspertegia

Suspertegiko Jarduerak

Animalia askatzeak, taldeetan

Suspertutako animalietako batzuk parte hartzaile taldeekin askatzen dira naturan, betiere arriskuan jarri gabe animalien ongizatea eta askatzea behar bezala egitea. Galdetu langileei zer aukera dauden.

Hitzaldiak ikastetxeetan

Urtero, hitzaldiak ematen dira ikastetxe eta elkarteetan. Egin ezazu erreserba, egun guztiak bete aurretik.

Ingurumen hezkuntza

Martiodan lanean dihardugu biodibertsitate galerari aurre egiteko. Azken kate mailan egiten dugu lan, zeinetan gizakiaren jarduerak gure habitat kideekin, alegia, animaliekin errespetu txikia erakutsi duen. Hortaz, harrapatuta, tiroz zaurituta edo askotariko azpiegiturekin —besteak beste, kable elektrikoekin— talka eginda, beren habitaten hondatzearen ondorioak pairatzen dituztela edo, besterik gabe, beren ingurunean gizakiaren presentzia sumatzeak eragindako presiopean iristen dira animaliak gure eskuetara.

Elkarbizitza hori hobetzeko, natura errespetatzeko hezi behar da, eta guk geure harri koskorra dakargu: ahalik eta jende gehienengana iristen saiatzen gara, eta jendeak ingurumenaren gaineko kontzientzia har dezan lan egiten dugu. Horregatik, urtean zehar, indarberritutako animalien askatzeak planifikatzen ditugu animaliok aurkitu zituzten pertsonekin, eta horiek familiarekin, bizilagunekin eta adiskideekin etor daitezke.

Ikastetxeetan ere izaten gara, hala eskatzen digutenean. Ikasgeletara joaten gara, eta material grafikoa eta gure bilduma biologikoaren zati bat (lumak, oinatzak eta abar) eramaten dugu, zer lan egiten dugun erakusteko. Eta, ahal izanez gero, hegaztiren bat askatzen dugu taldean!

Interesik baduzu, deitu eta informa zaitez.

945 24 85 15
centromartioda@parques.araba.eus

945 24 85 15

Ordutik ordurako jakinarazpenak

010 / 945 18 18 18 / 092 / 112