Urtea estreinatu berri dugu eta 13 espezie desberdinetako 17 animalia sartu dira zentroan. Errepikatu duen espezie bakarra 5 indibiduoko zapelatz arrunta (Buteo buteo) da. Urtarrila da hilabeterik lasaienetako bat sarrerei dagokienez, baina sartzen diren animaliek zainketa asko behar izaten dituzte, ahulduta eta hipotermiko sartzen direlako eta, normalean, traumatismoren bat izan ondoren.
