Aurtengo udan, haitz-enara (Ptyonoprogne rupestris) txito bat izan genuen, zentrura sartu ohi ez den animalia bat da. Enara azpizuriak, sorbeltzak eta enarak eraikinei eta gizakiari lotuagoak dauden animaliak dira, baina haitz-enarek harkaitz bertikaletan jartzen dituzte habiak, eta, beraz, denbora baino lehen habiatik erortzen den Txitoa oso zaila da aurkitzen.

Bi aste baino gehixeago gurekin egon ondoren, haitz-enaren kolonia batean askatu genuen. Hemen uzten dizuegu askapenaren bideoa, ez da antzematen, baina askatu bezain laster beste enara batzuk agertu ziren ongietorria emateko.